“Əfsuslar olsun ki, yenə 0:1 hesabı ilə məğlub olduq. Səhvlərimiz var, səhvlərsiz də futbol olmur. Amma komandadan razı qaldım, futbolçular mübarizə apardılar”.
Newsport.az-ın məlumatına görə, bu sözləri “Kəpəz”in baş məşqçisi Yunis Hüseynov Azərbaycan Premyer Liqasının 19-cu turunda evdə “Qəbələ”yə uduzduqları oyundan sonra keçirilən mətbuat konfrasnında deyib.
Təcrübəli çalışdırıcı məğluibyyəti şərh edib:
“Qəbələ”nin oyunçularının fərdi şəkildə ustalıq səviyyəsi üstündür. Bizim komandada təcrübəsizlik də öz sözünü dedi. Uşaqlarda bir az özünəinam çatışmırdı. Son 15-20 dəqiqədə toparlana bildilər, epizodlar yaratdıq. Bununla belə qol vura bilmədik. Qarşıda oyunlarımız var, çalışıb həmin matçlara yaxşı hazırlaşacağıq. Rəqibi də təbrik edirəm”.
