Azərbaycan Premyer Liqanın 19-cu turunda doğma meydanda “Qəbələ”ni qəbul edəcək “Kəpəz” bu gün oyunun keçiriləcəyi arenada məşqə çıxıb.
Newsport.az-ın klubun saytına istinadən yaydığı xəbərə görə, Gəncə şəhər stadionunda keçirilən hazırlıq prosesi mətbuat və azarkeşlər üçün açıq xarakter daşıyıb.
“Sarı-göylər”in heyətində zədəli futbolçu yoxdur. Zədədən sonra tədricən bərpa olunan Dieqo Souzanın vəziyyəti yaxşıdır. Braziliyalı həftənin əvvəlindən başlayaraq kollektiv məşqlərdə iştirak edib.