Bu gün Azərbaycan Premyer Liqasının 17-ci turu çərçivəsində "Səbail" doğma meydanda "Qəbələ"ni qonaq edib. (2-1)
Newsport.az xəbər verir ki, oyunsonrası, stadiona ezam olunmuş əməkdaşımızın suallarını cavablandıran "Qəbələ"nin fitse prezidenti Fariz Nəcəfov bunları bildirib:
-Məhz “Qarabağ”la oyundan sonra Cavid Hüseynov belə bir fikir bildirmişdi ki, komanda ürəklə oynamadığı üçün xal qazana bilmədi. Bəs bu görüşdə necə?
-Yox, uşaqlar bu gün istəkli idilər. Düzdür, bir az arxayınlıq hissi var idi. Bunun nəticəsi olaraq da məğlub olduq.
-Ümumiyyətlə, bu nəticəni gözləyirdinizmi?
-Yox, gözləmirdik. Rəqib bu görüşə çox yaxşı hazırlaşmışdı və gözəl oyun sərgilədilər. Onları təbrik edirəm.
-Artıq, “Qarabağ” zirvədə təkdir. Çempionun məlum olduğunu deyə bilərikmi?
-Mən həmişə demişəm. Biz, axıra qədər mübarizə aparacağıq. Nəticənin necə olmasından asılı olmayaraq. Mübarizə davam edir. İrəlidə çox oyunlar var.
-Çempionluq uğrunda mübarizədə geri düşdünüz. yəqin ki əsas gücü Kuboka yönəldəcəksiniz?
-Xeyr, hər ikisində də sona qədər mübarizəmizi aparacağıq. İndidən heç nəyin taleyini həll etmək olmaz.