Ayxan Abbasovu Qəbələdə vurdular ÖZƏL

Azərbaycan Premyer Liqasının 16-cı turunda "Qəbələ" doğma meydanında "Zirə"yə 2:1 hesabıyla qalib gəlib. Matç başa çatan kimi oyunda xoşagəlməz hadisə yaşanıb. Rauf Cabbarovun final fitindən sonra "Qəbələ"nin futbolçuları - Cavid Hüseynov, Ruslan Qurbanov və Ürfan Abbasovun rəqibin heyətində çıxış edən Sadio Tounkarayla Riçard Qadze arasında münaqişə yaşanıb.
 
Newsport.az-ın Qəbələyə ezam olunmuş əməkdaşı məlumatına görə, qalmaqal meydandan kənarda da davam edib. Paltardəyişmə otağının qarşısında dayanan "Qəbələ" klubunun mühafizəçilərindən biri Ayxan Abbasovu kəllə ilə vurub. Mətbuat konfransı başa çatdıqdan sonra isə Ayxan Abbasovu "Qəbələ"nin vitse-prezidenti Fariz Nəcəfov iş otağına dəvət edib. Tərəflər arasında 40 dəqiqəlik görüş baş tutub.
 
Oyundan sonra "Zirə"nin futbolçularına media mənsublarına açıqlama verilməsinə də qadağa qoyulub.
Mərdan HƏSƏNOV, Qəbələ




Xəbər lenti







Keşlə Qarabağ Qəbələ Sumqayıt Neftçi Səbail Zirə Kəpəz