"Neftçi” bu gün Azərbaycan Premyer Liqasının 16-cı turu çərçivəsində "Sumqayıt”la görüşəcək.
Newsport.az xəbər verir ki, "ağ-qaralar" "Gənclik şəhəri” təmsilçisi ilə indiyədək 22 çempionat oyununda qarşılaşıb ki, bunlardan 12-də qalib gəlib, 8-də məğlub olub. Cəmi 2 oyunda isə heç-heçə qeydə alınıb. Top fərqində isə "Neftçi” üstünlüyə malikdir. 37:26.
Cari mövsümün ilk hissəsindəki oyunlara gəlincə, hər iki görüşdə meydan sahibi qələbə qazanıb. "Kapital Bank Arena”da 1:0, "Bakcell Arena”da isə 2:1 hesabı qeydə alınıb.
Qeyd edək ki, "Kapital Bank Arena”da keçiriləcək görüş, saat 18:30-da start götürəcək.