"Neftçi" seneqallı futbolçunu hədəfə aldı

"Neftçi" heyətini seneqallı Hali Tiamla gücləndirə bilər.

Newsport.az-ın məlumatına görə, bu barədə Rusiya mətbuatı məlumat yayıb. Belə ki, Moskva "Dinamo"su 24 yaşlı yarımmüdafiəçi ilə yolları ayırıb. Tiam müqavilə ilə məxsus olduğu Budapeştin MTK klubuna dönüb. Lakin Macarıstan təmsilçisi seneqallının xidmətində maraqlı deyil. Məlumata görə, Halini təmsilçimiz "Neftçi" transfer etmək istəyir.

Lakin Tiamın müqaviləsi mövcud olduğu üçün bu keçid reallaşa bilməz. Çünki Azərbaycanda transfer pəncərəsi fevralın 9-da bağlanıb. Bunun üçün futbolçu azad agent statusuna yiyələnməlidir. Məhz bundan sonra seneqallı yarımmüdafiəçi "ağ-qaralar"a keçə bilər.

Qeyd edək ki, 2014-cü ildə MTK klubuna transfer olan Hali Tiam "Çikaqo Fayre", "Qaziantepsor" və "Dinamo"da icarə əsasında çıxış edib.

 





Xəbər lenti







Keşlə Qarabağ Qəbələ Sumqayıt Neftçi Səbail Zirə Sabah