Yunis Hüseynov: "Kim layiq olacaqsa, o da oynayacaq" Müsahibə

Bu gün Gəncənin "Kəpəz" klubu ilk yoxlama oyununa çıxıb və 1-0 hesabı ilə qalib gəlib. Oyundan sonra gəncəlilərin baş məşqçisi Yuns Hüseynov jurnalistlərin suallarını cavablandırıb.
 
Newsport.az sizə müsahibəni təqdim edirik:
 
- Yeni transferlər barədə məlumat verərdiniz...
- Murad Səttarlı, Roman Hüseynov, Samir Zərgərov, Tərzin Cahangirov, Dieqo Souza, Sergey Litovçenko, Giuli Manjqaladze və Dario Frederiko Silvanı rənglərimizə bağlamışıq. Sonuncu komandaya Antalyadakı təlim-məşq toplanışında qatılacaq.
 
- “Mançester Siti”nin sabiq futbolçusu Aleks Nimeli ilə müqavilə imzalanmadı. Mətbuatda belə bir xəbər var idi ki, liberiyalı vinger həm də intizamsız futbolçu olub. Bir sözlə, Limelini intizamsız futbolçu olduğu üçün göndərdiniz, yoxsa həqiqətən də zədəsi var idi?
- Bilmirəm ki, Aleks haqda nə yazıblar. Bu barədə mətbuatdan oxumamışam. Ancaq deyiblər ki, “Kəpəz”ə vaqonla, avtobusla legionerlər gəlir. Siz özünüzü də şahid oldunuz ki, bizə avtobusla legionerlər gəlməyib. Nimelinin və Azərbaycanda olan digər legioner futbolçuların CV-lərinə baxın və elə bir karyerası olan oyunçuya rast gələ biləcəksinizmi? Biz hələ onu baxışa dəvət etmişik. “Mançester Siti”, “Midlzbro” və “Kristal Pelas”da çıxış edib, 26 yaşı var. Sadəcə, ayağında zədə çıxdı və biz də onu göndərdik. Bu qədər.
 
- Məsələ orasındadır ki, Nimeli İngiltərə Çempionşipində oynayan zaman öz komandası ilə müqaviləsi ola-ola başqa klubun heyətində məşqlərə çıxıb. İçkili maşın sürüb. İntizamsızlıqları çox olub...
- Sözün düzü, bu barədə bilmirdim. Məlumatlı deyiləm. Hamı içki içə bilər. Biz bilirsiz necəyik? Yaxşını qoyub pisi axtarırıq. “Mançester Siti”nin sabiq oyunçusu olub. Karyerasına baxdım, oyunlarını izlədim və bəyəndim. Baxışa dəvət etdik, lakin alınmadı, zədəli çıxdı. O, sadəcə baxışda oldu. Problemli iş yoxdu burada.
 
- Ukraynalı qolkiper Sergey Litovçenko əsas heyətdə olacaq?
- Bizdə rəqabət olacaq. Kim layiq olacaqsa, o da oynayacaq.
 
- Heyətdən çox futbolçu göndərildi. Onların boşluğunu doldurmaq mümkün olacaq?
- Çalışırıq. Əlimizdən gələni edəcəyik.
 
- Yeni transferiniz Dieqo Souza uzun müddətdir ki, futbol oynamır. Bu transferin “Kəpəz”ə nə xeyri ola bilər?
- Yaxşı durumdadır. Artıq çəkisi demək olar ki, yoxdur. Ola bilər ki, “Sabah”la yoxlama görüşündə meydanda olsun.




Xəbər lenti







Neftçi Qarabağ Qəbələ Sumqayıt Kəpəz Sabah Araz-Naxçıvan Səbail Turan Tovuz Zirə
Banner left
Banner right