Bu gün Azərbaycan Kubokun 1/4 final mərhələsi çərçivəsində "Qarabağ" doğma meydanda "Sumqayıt"ı qonaq edib və görüş ağdamlıların 2-1 hesablı qələbəsi ilə başa çatıb. Newsport.az xəbər verir ki, oyunsonrası stadiona ezam olunmuş əməkdaşımızın suallarını cavablanıran qonaqların qolkiperi Fərhad Vəliyev bunları bildirib:
Nə baş verdi həmin epizodda?
-Axırıncı son dəqiqələrdə Pedro ilə təkbətək qaldım, istədim topu kənarlaşdırım ona toxundum. Düşünürəm ki, hakim haqlı qərar verdi.
-Qazanılan nəticəni uğurlu hesab etmək olarmı sizin üçün ?
-Əlbətdə səfərdə oynadıq. “Qarabağ” kimi klub ilə səfərdə 1-2 məğlub olmaq pis nəticə deyil. Düşünürəm ki, evdəki oyunda yaxşı hazırlaşıb mərhələ adlamaq olar.
-Cavab oyununda “Sumqayıt”ın üstünlüyü nə olacaq?
-Biz güclü rəqiblərə qarşı həmişə yaxşı mübarizə aparmışıq. Bu dəfə də elə olacağına ümid edirəm. Azarkeşlərimiz də bizi tək qoymayacaqlar inşallah. Birlik olub güclü mübarizə aparacayıq.
-Çempionatın ilk yarısı artıq başa çatıb. Bu nəticəni komanda üçün uğurlu nəticə saymaq olarmı?
-Keçmişə baxanda əlbətdə. Bizim üçün 4-cü yer pis nəticə deyil məncə.