"Hokkey hesabı gözləmirdik" Asif Məmmədov

Kateqoriya: Ölkə futbolu | Tarix: 25.11.2017 18:10

Topaz Premyer Liqasının 13-cü turunda "Qəbələ" səfərdə "Kəpəz" 6:1 hesabıyla qalib gəlib.

Newsport.az xəbər verir ki, matçdan sonra "qırmızı-qaralar"ın yarımmüdafiəçisi Asif Məmmədov jurnalistlərə müsahibə verib. Məmmədov ilk olaraq qarşılaşma haqda təəssüratlarını bölüşüb:

- Gəncə təmsilçisi ilə oyunlarımız hər zaman ağır olub. Bu stadionda qalib gəlmək bizə asan olmur. Buna görə də çox ciddi hazırlaşmışdıq və bəhrəsini də gördük.

- Hokkey hesabı gözləyirdin?

- Xeyr, sözün düzü, gözləmirdik. Qalib gələcəyimizə inanırdıq, amma belə hesabı gözləmirdik.

- Ancaq ilk dövrədə “Kəpəz”ə uduzmuşdunuz...

- Bu, futboldur. Belə şeylər olur. Bəlkə də, həmin oyuna rahat çıxmışdıq.

- Gəncə şəhər stadionun əvvəlki ot örtüyündə oynasaydınız, necə olardı?

- Bizim üçün çətin olacaqdı. Bu daha yaxşıdır. Belə qazon üçün təşəkkür düşür.

- "Qəbələ"nin "Qarabağ"a çatması real görünür?

- Əlbəttə, realdır. Aramızda 3 xal fərqimiz var. “Qarabağ”ın da bir oyunu ehtiyatdadır. Amma əvvəlcə “Zirə”ni qabaqlamalıyıq. Mövsümün bitməsinə çox var. Hər şey ola bilər.

- “Zirə” – “Qarabağ” matçında hansı nəticəni arzulayırsan?

- Bizə sərf edən hansıdırsa, o olsun. Heç-heçə olsa, pis olmaz (gülür).

Paylaş