17 yaşadək qızlardan ibarət Azərbaycan milli komandası yoxlama oyununda qüvvəsini sınayıb.
Newsport.az xəbər verir ki, Gürcüstanın paytaxtı Tbilisidə təşkil olunmuş təlim-məşq toplanışında, ikinci matç günü Siyasət Əsgərovun baş məşqçisi olduğu yığma gürcüstanlı həmyaşıdları ilə qarşılaşıb. Oyun yığmamızın 1:0 hesablı qələbəsi ilə başa çatıb. Komandamızın qolunu Umnisə Əliyeva vurub.
Qeyd edək ki, bu komandalar arasında keçirilmiş ilk oyun 2:2 hesabı ilə başa çatıb.