Dünən Azərbaycan Premyer Liqasında 12-ci tura yekun vuruldu.
Newsport.az xəbər verir ki, bu turda baş tutan 4 oyunda qapılara 13 top vurulub.
Bu da cari mövsümdə məhsuldarlıq baxımından rekordun təkrarlanması deməkdi. Gerdiə qalan turlarda yalnız 1 dəfə qapılara bu qədər qol vurulmuşdu. Bu, ilk turda qeydə alınmışdı. O zaman da komandalar 13 dəfə qola sevinmişdi.
Qeyd edək ki, bu tur keçirilən matçlardan ikisində qonaqlar 3:2, birində isə 1:0 hesabı ilə qalib gəliblər. Meydan sahiblərinin üstün olduğu tək matçda isə qapılara 2 cavabsız qol vurulub.