AFFA Nizam İntizam Komitəsi növbəti iclasını keçirib.
Newsport.az xəbər verir ki, Qızlar yüksək liqasında keçirilən oyunlara hüquqi qiymət verilib.
“Baku City” – “İnter” matçının 27-ci dəqiqəsində qonaqların futbolçusu Roza Quliyeva hakimi təhqir etdiyinə görə qırmızı vərəqə alaraq meydandan kənarlaşdırıldığı üçün 2 oyun cəzalanıb. Oyunun ikinci hissəsində “İnter” meydana çıxmadığına görə 0:5 hesablı texniki məğlubiyyət verilib. Komandanın baş məşqçisi Anar Vəliyevə isə xəbardarlıq olunub. Bu hal yenidən baş verəcəyi təqdirdə daha ağır sanksiya tətbiq olunacaq.