Bu gün AFFA İntizam Komitəsinin növbəti toplantısı keçirilib.
Newsport.az xəbər verir ki, Azərbaycan I divizionun VIII turunun “Mil-Muğan” – “Şüvəlan” matçında qonaqların baş məşqiçisi Aqil Nəbiyev stadionun plastik şitini sındırıb. Belə ki, iclasda stadiona dəymiş ziyan əsasında “Mil-Muğan” klubunun təqdim edəcəyi hesab “Şüvəlan” klubu tərəfindən ödənilməsi haqda qərar qəbul olunub.
Qeyd edək ki, Azərbaycan I divizionun VIII turunun “Ağsu” – “Binə” matçı başlamazdan əvvəl “Binə” klubunun azarkeşləri də pirotexniki vasitələrdən istifadə etdiklərinə görə 80 manat cərimə olunub.