Rahid Əmirquliyev: "Kimin şübhəsi varsa, gəlsin, himni şəxsən onun üçün oxuyum"

Kateqoriya: Ölkə futbolu | Tarix: 13.10.2017 19:23

Azərbaycan Premyer Liqasının 8-ci turunda "Qarabağ" səfərdə "İnter"ə 2:0 hesabı ilə qalib gəlib.

Newsport.az xəbər verir ki, görüşdən sonra Ağdam klubunun yarımmüdafiəçisi Rahid Əmirquliyev jurnalistlərə müsahibə verib.

- Meydan elə bir vəziyyətdədir ki, oyun nümayiş etdirmək çətindir. Çox bərbaddır. İstədiyin oyunu sərgiləmək çətin olur. Ona görə də çətin olur.

- Bu qələbə “Atletiko” oyun üçün motivasiya verəcək?

- Əlbəttə, 3 xal qazanmaq yaxşı haldır. Çempionatda liderik. Qələbə üçün çıxmışdıq. Bunu da bacardıq.

- Bu gedişlə 2-ci dövrənin sonuna kimi rəqiblərlə xal fərqini artıra bilərsiz. Düşünmürsən ki, çempionatda rəqabət azala bilər?

- Hər şey ola bilər, futboldur. Biz hər oyuna 3 xal üçün çıxırıq. Bizə öz oyunumuz maraqlıdı.

- Qarşıda “Atletiko” ilə oyun gəlir. Həyəcanlı deyilsiniz?

- “Atletiko” ÇL-də son 3 ildə 2 dəfə final oynayıb. Çətin oyun olacaq. Bizim üçüb yaxşı təcrübə olacaq. Azarkeşlər üçün yaxşı oyun nümayiş etdirməyə çalışacağıq. Əlbəttə, nəticə də vacibdir. Əlimizdən gələni edəcəyik.

- Həmin oyun günündə ÇL-də sürpriz edəcəyinizə inanırsınız?

- Özümüzə inanırıq. Reallıq odur ki, “Atletiko” güclüdür. Ancaq meydana vaxt keçirməyə çıxmırıq.

- Sənin millidə kapitan olmağın Robert Prosineçkiyə düşmədi. Millidən gedəcəyi gözlənilir…

- Bu AFFA-nın işidir. Mən istəyərdim ki, Prosineçki qalsın.

- Almaniya ilə oyunda himnimizi oxumamağına görə tənqidlərlə üzləşdin. Himnimizi bilmirsən, yoxsa həyəcanlı idin?

- Həyəcan deyildi. Yəqin ki, hansısa epizod olub. Amma bu o demək deyil ki, himni bilmirəm. Kimin şübhəsi varsa, gəlsin, himni şəxsən onun üçün oxuyum.

- Oyundan sonra Prosineçki sizinlə vidalaşdı?

- Biz ölkəmizə qayıtdıq, o da sağollaşıb getdi Xorvatiyaya. Başqa cür vidalaşmadı. Dedi ki, Bakıya qayıdacam.

Paylaş