Milli komandaların seçmə mərhələ oyunları ilə əlaqədar Azərbaycan Premyer Liqasında mübarizə aparan daha iki klub bu gün yoxlama matçı keçirib.
Newsport.az-ın məlumatına görə, “Zirə” “Səbail”lə üz-üzə gəlib.
Zirə İdman Kompleksinin stadionunda baş tutan görüşdə qapılara 6 qol vurulub. Sonda meydan sahibləri qələbəyə seviniblər – 4:2.
“Zirə”nin heyətində Riçard Qadze dubla imza atıb. Digər qolları isə David Manqa və Vüsal İsgəndərli rəqib qapısından keçirib. “Səbail”in də heyətində isə Adrian Popoviçi ilə Raul Yaqubzadə fərqlənib.