Çexiya gənclər liqasında IX turun oyunları keçirilir.
Newsport.az-ın məlumatına görə, azərbaycanlı futbolçu Fərid Nəbiyevin çıxış etdiyi "Slaviya"nın 21 yaşlılardan ibarət komandası öz meydanında "Teplitse"ni qəbul edib.
Matç Fəridin komandası üçün uğursuz alınıb. Belə ki, qonaqlar 4:1 hesablı qələbə qazanıb.
Fərid 72-ci dəqiqədə oyuna daxil olsa da, komandasının yeganə qolunun vurulmasında pay sahibi olub. Məhz Nəbiyevin ötürməsindən sonra “Slaviya” təsəlli qoluna imza atıb.