Azərbaycan Premyer Liqasının ilk iki turundan sonra baş məşqçisi Elxan Abdullayevlə yolları ayıran "Neftçi"ni çalışdıracaq mütəxəssisin adına aydınlıq gəlib.

Newsport.az saytının məlumatına görə, "ağ-qaralar"ın "sükanı arxası"na Tərlan Əhmədov keçəcək. Son olaraq AZAL-da çalışan çalışdırıcı ilə danışıqlar müsbət yekunlaşıb. Komanda müvəqqəti olaraq rəhbərlik edən rəəvəzedici heyətin çalışdırıcısı Elşad Əhmədov paytaxt klubunu bir neçə oyuna çıxardıqdan sonra əvvəlki işinə qayıdacaq.

Xatırladaq ki, Tərlan Əhmədov 2011/13-cü illərdə "Neftçi"də köməkçi məşqçi kimi çalışıb.