"Ciddi həyəcan yox idi" Təmkin Xəlilzadə

Kateqoriya: Ölkə futbolu | Tarix: 05.09.2017 00:02

Azərbaycan millisinin müdafiəçisi Təmkin Xəlilzadə DÇ-2018-in seçmə mərhələsində San Marino üzərində qələbə qazandığımız oyundan sonra (5:1) jurnalistlərin suallarını cavablandırıb.

Newsport.az saytı yığmada debüt edən futbolçunun müsahibəsini təqdim edir:

- Oyuna yaxşı hazırlaşmışdıq. Doğma divarlar arasında oynadığımız üçün bizi ancaq 3 xal qane edirdi. Şükürlər olsun ki, azarkeşlərimizi məyus etmədik və qalib gəldik.

- 5 qol vurmağınız gözlənilməz olmadı?

- Yaxşı komandamız və baş məşqçimiz var. Oyundan əvvəl də deyilmişdi ki, fürsətlərdən maksimum yararlanmaq lazımdır. Futbolçular bu matçda əllərindən gələni etdilər.

- Debüt matçın necə keçdi?

- Ciddi həyəcan yox idi. Adi oyun kimi yanaşırdım. Buna kənardan qiymət vermək daha düzgün olardı.

- Ötürmə verdiyin epizod avtoqolla nəticələndi...

- Qələbədə pay sahibi olmaq əla hissdir. Ancaq sizə onu deyim ki, əsas komandamızın uğurudur. Mənim və ya başqasının vurmasının ciddi əhəmiyyəti yoxdur.

Paylaş