DÇ-2018-in seçmə mərhələsi çərçivəsində San Marinonu qəbul edən yığmamız 5:1 hesablı qələbə qazanıb.
Newsport.az xəbər verir ki, matçdan sonra yığmamızın çalışdırıcısı Robert Prosineçki mətbuat konfransında jurnalistlərin suallarını cavablandırıb.
- Bu qələbəni qurban bayramı münasibətilə Azərbaycan xalqına həsr edirik. 90 dəqiqə ərzində üstünlük bizdə oldu. Komandamın oyunundan razı qaldım. Norveçlə oyunda çox səhvlərə yol verdik. Şadam ki, o matçdan sonra belə oyun göstərə bildik.
- Təmkin Xəlilzadənin oyunundan razı qaldız?
- Bəli, nun oyunundan razı qaldım. Həm müdafiədə etibarlı idi, həm də hücumlara yaxşı qoşulurdu. İlk oyunu olmasına baxmayaraq, özünü yaxşı göstərdi.
- Bundan sonra millimizin hədəfi nədi?
- Qarşıda bizi 2 oyun gözləyir. Bakıda Çexiya ilə oynayacağıq. Səfərdə onlardan 1 xal ala bilmişik. Evdə də yaxşı oynamağa çalşşacağıq. Almaniya ilə oyuna gəlincə, özümüzü aldatmayaq. Mübarizə aparmağa çalışacağıq.
- Norveçlə oyunda Dmitri Nazarov sanki bilərəkdən sarı vərəqə aldı. Bu, cəzanı San Marino ilə oyunda çəkməsi üçün sizin tapşırığınız idi?
- Heç vaxt futbolçularıma belə göstəriş vermirəm. Nazarov özü belə edibsə, nəsə deyə bilmərəm.
- Ruslan Abışov hələ də Prosinçekinin komandasında özünə yer tapa bilmir. Bunun səbəbi nədir?
- Ruslanı da əvəzetmədən oyuna daxil edə bilərdim. Amma başqa qərar verdim. Ruslan hələ tam formada deyil. Formasını tam yığdıqdan sonra ona da şans verəcəm.
- Hamı Ramil Şeydayevdən qol gözləyirdi. Siz də onu 90 dəqiqə meydanda saxlamaqla sanki qol vurmağını gözləyirdiz. Belə bir gözləntiniz var idi?
- Ramil əzmkar futbolçudu. Bu gün yaxşı oynadı. Təəssüf ki, şanslarından istifadə edıə bilmədi. Bir qol vursa, ayağı açılacaq. Gələcəkdə Ramilin oyunundan həzz alacağıq. Qol vurmağını həm istəyirdim, həm də gözləyirdim.