"Qəbələ" "Qalatasaray"la yoxlama oyunu keçirə bilər.

Newsport.az-ın məlumatına görə, bununla bağlı tərəflər arasında danışıqlara başlanılıb. Matçın sentyabrın 2-i və ya 3-ü keçirilməsi planlaşdırılır.

"Qalatasaray" bu yoldaşlıq görüşündə yeni transfer Sofian Fequlini oynatmağı düşünür. İngiltərə "Vest Hem"indən transfer olunan 28 yaşlı yarımmüdafiəçi hazırda bərpa dövrü keçir. Əlcəzair millisinin oyunçusu məhz fasilə müddətində hazırlıqlara başlayacaq. Fequli "Qəbələ" ilə görüşdə özünü yaxşı tərəfdən göstərə bilsə, Türkiyə Superliqasının 4-cü turunda "Antalyaspor"a qarşı səfər matçında forma geyinəcək.

Qeyd edək ki, yoxlama görüşünün harada keçirilməsinin planlaşdırıldığı barədə məlumat verilməyib.