Çempionlar Liqasında üçüncü təsnifat mərhələsinin ilk oyunlarından sonra UEFA reytinqi açıqlanıb.
Newsport.az-ın məlumatına görə, son reytinqdə Azərbaycan əvvəlki mövqeyini qoruyaraq 22-ci pillədə qərarlaşıb.
Öz meydanında Moldova “Şerif”i ilə qolsuz heç-heçə edən “Qarabağ” Azərbaycanın hesabına 0.125 xal qazandırıb. Bununla da, son 5 ilin nəticələrinə əsasən hesablanan reytinq xalımız 17.125-ə yüksəlib.
Azərbaycandan 1 pillə irəlidə - 21-ci yerdə olan Kiprin 17.425 xalı var.