Əsasən “Rəvan”da tutduğu müxtəlif vəzifələrdən tanıdığımız Bəhmən Həsənov İran İslam Respublikasına yollanıb. Bir müddət öncə yeni yaradılan “Göyçə” klubunda çalışacağı deyilən Həsənov İranda işləyə bilər.
Newsport.az saytının məlumatına görə, çalışdırıcı hazırda İrandadır. Onun çalışdırmaq ehtimalı olduğu klubun adını dəqiqləşdirə bilməsək də, bunun elita klubu olduğunu öyrəndik.
Bizdə olan məlumata görə, Həsənov bazar günü klub rəsmiləri ilə görüşəcək və bundan sonra bir sıra məqamlara aydınlıq gələcək.