Avropa Liqasının I təsnifat mərhələsinin ilk oyunları çərçivəsində keçiriləcək "İnter" - "Mladost" matçını idarə edəcək hakimlərinin adları bəlli olub.
Newsport.az-ın məlumatına görə, Bakıda baş tutacaq qarşılaşmada ədaləti ukraynalı referilər qoruyacaq.
Oyunu Nikolay Balak idarə edəcək. Ona həmyerliləri - Vladimir Bolodin və Aleksandr Korniko köməklik edəcəklər.
Dördüncü hakim funksiyasını isə Anatoli Xavçenko yerinə yetirəcək.
Qeyd edək ki, "İnter" - "Mladost" oyunu iyulun 6-da "Dalğa Arena"da keçiriləcək. Matç saat 21:00-da başlayacaq.