Avstriyanın Tirol bölgəsindəki İnnsburk şəhəri yaxınlığındakı Fulpmes qəsəbəsində təlim-məşq toplanışında olan “Qəbələ” bu gün ikinci yoxlama oyununu keçirib.
Newsport.az-ın məlumatına görə, “Qırmızı-qaralar” Rusiyanın “Axmat” klubu ilə qarşılaşıb.
Roman Qriqorçuk bu oyunda aşağıdakı start “11-liy”inə şans verib:
Görüşün ilk yarısında qapılara qol vurulmayıb. Qarşılıqlı hücumlar edən komandalar fasiləyə bərabərliklə yollanıb. Oyunun ikinci hissəsinin əvvəlində Rusiya təmsilçisi hesabı açıb. “Axmat”ın vurduğu bu qol görüşdə yeganə olub. Çeçenistan təmsilçisi qarşılaşmadan 1:0 hesablı qələbə ilə ayrılıb.
Xatırladaq ki, ilk matçında yerli “Fulpmes”ə 8:0 hesabı ilə qalib gələn “Qəbələ” növbəti oyununu iyunun 19-da keçirəcək. “Qırmızı-qaralar” Bolqarıstanın “Botev” klubu ilə üz-üzə gələcək.