Macarıstanda keçirilən Laslo Kubalanin xatirəsinə həsr olunan turnirdə ilk oyun gününə yekun vurulub.
Newsport.az-ın məlumatına görə, “Qəbələ”nin 16 yaşadək futbolçulardan ibarət komandası “Vaşaş Kubala Akademiyası”nın təşkil etdiyi turnirə eyniadlı komanda ilə görüşlə start verib.
“Qırmızı-qaralar” meydan sahibləri ilə görüşdən 1 xalla ayrılıb – 0:0.
Qrupdakı son matçında komanda İsveçin AİK klubu ilə qarşılaşıb. İbrahim Camalovun rəqib qapısına yol tapdığı görüş 1:1 hesabı ilə nəticələnib. Şəhruz Mustafayevin baş məşqçisi olduğu komanda topladığı 2 xalla qrup mərhələsini 2-ci pillədə başa vurub. Skandinaviyalıları 1:0 hesabı ilə yenən meydan sahibləri isə 1-ci yerlə finala yüksəlib.
“Qəbələ” sabah 3-cü yer uğrunda qarşılaşmada qüvvəsini sınayacaq. “Qırmızı-qaralar” Slovakiya təmsilçisi “Rujomberok”la ilə üz-üzə gələcək. Kubokun qalibi isə “Vaşaş Kubala Akademiyası” ilə Polşa “Zaqlebiye”si arasındakı matçda bəlli olacaq. AİK-lə Serbiya “Voyvodina”sı 5-ci yer uğrunda matça çıxacaq.