İslam Həmrəliyi Oyunlarının futbol yarışlarının finalında Azərbaycan millisi Oman yığmasını 2:1 hesabı ilə məğlub edərək qızıl medala sahib olub.

Newsport.az-a oyundan sonra açıqlama verən komandamızın yarımmüdafiəçisi Elşən Abdullayev qələbəni şərh edib:

"Əlcazairlə oyundan sonra bildirmişdim ki, əsas məqsədimiz qələbə qazanmaqdır. Doğma meydanda oynayırdır. Bu amildən yararlanıb çempion olmaq istəyirdik. Şükürlər olsun ki, bura kimi gəlməyi bacardıq. Qızıl medala sahib olacağımıza inanırdıq. Yarımfinalda qələbə qazanandan sonra daha bu, daha da artmışdı. Doğma meydanda mübarizə apardığımız üçün mütləq şəkildə qələbə qazanmalı idi. Əlbəttə ki, sevindiricidir. Tarixi nəticə əldə etdik. Bu, bizim üçün şərəfdir"