57 yaşlı mütəxəssis bildirib ki, əsas məqsəd qrupdan çıxmaqdır. Onun sözlərinə görə, bu cür turnirlərdə ilk matçda uduzmamaq böyük önəm kəsb edir.

Azərbaycan millisi ilə birgə A qrupunda yer alan Mərakəş yığmasının da oyununu bəyəndiyini söyləyən Y.Vahabzadə, qarşıdakı oyunlarda lazım olan xalları toplamağa çalışacaqlarını vurğulayıb.

"Düzdür, rəqibin də qol vurmaq imkanları vardı. Lakin heç-heçə ədalətli nəticədir. Bizim əsas məqsədimiz qrupdan çıxmaqdır. Mərakeş ilk oyunda qalib gəlsə də, bizim yenə məqsədimiz qrupdan çıxmaqdır. Mərakeşin oyunu da mənim çox xoşuma gəldi. Əvvəl deyilirdi ki, bura gəlmək istəmirlər, komanda yığılmır. Amma deyəsən, bu, yalan imiş".