Bu gün Naxçıvan kubokunun təqdimatı keçiriləcək.
Newsport.az-ın məlumatına görə, tədbir Naxçıvanın “Duzdağ” otelində keçiriləcək. Ayın sonunda baş tutacaq turnirdə minimum 8 komandanın iştirak etməsi planlaşdırılır. Turnirdə Türkiyədən də komandaların olacağı gözlənilir.
Yarışın qalibinə tərkibində 200 qram qızıl olan kubok təqdim ediləcək. Kubok bu gün keçiriləcək tədbirdə təqdim ediləcək.
Bu il təşkil ediləcək turnir sayca ikincidir. Ötən il baş tutan ilk yarışın qalibi hazırda mövcud olmayan “Neftçala” komandası olmuşdu.