Azərbaycan Premyer Liqasının XXVIII turunda AZAL öz meydanında "Zirə"yə məğlub olub - 0:3.

Newsport.az-ın məlumatına görə, oyundan sonra baş tutan mətbuat konfransında "təyyarəçilər"in baş məşqçisi Tərlan Əhmədov fikirlərini bildirib.

O, öncə oyun haqda danışıb: "AZAL üçün sonuncu yer xoş deyil. Amma bizdən asılı olmayan səbəblər var. Əgər böyük uğurlar istəyirsə, maliyyə yaxşı olmalıdı. Vəziyyətimizin pis olduğunu bilirdim. Son maçtlarda qələbə istəyirdik, amma şansları əldən verdik. Son mətbuat konfransında gəncləri yoxlamaq istədiyimi bildimrişdim. Fikrimcə, aralarında yaxşı oyunçular var. Hər məğlubiyyət baş məşqçi ilə bağlıdı. Gələcəyə ümidlə baxıram. 99.9 faiz bu komandadan gedəcəm. Komandanın taleyinə bu həftə aydınlıq gələcək. 2 ildi “yaxşı olacaq” sözü deyilirdi. Həyat davam edir, son 2 il futbol karyeramda böyük dərs oldu. Nəyi düz, nəyi səhv etdiyimi anladım.

- Balansa hansı ağır gəldi?

- Səhvlərim ağır gəldi. İnamım məni çox şeydən məhv etdi.

- Hansı halda AZAL-da qalacaqsınız?

- AZAL elitada qalsa belə, maliyyə vəziyyəti düzəlməsə gedəcəm. 2-3 klubdan təklifim var, yaxın günlərdə biləcəksiniz.

- “Səbail”dən, yoxsa “Neftçi”dən təklif almısınız?

- Nə “Səbail”, nə də “Neftçi”dən təklif almışam.