"Qəbələ" çempion oldu

U-16 Liqasında 2016/17 mövsümünə yekun vurulub.

Newsport.az-ın məlumatına görə, “Qəbələ” çempionatın sonuncu – 22-ci turunda “Neftçi”ni qəbul edib. Bu matçadək “qırmızı-qaralar” 49 xalla 1-ci, paytaxt təmsilçisi 48 xalla 2-ci pillədə qərarlaşıb. Qızıl medalların taleyi baxımından böyük önəm daşıyan qarşılaşmada qalib müəyyənləşməyib – 1:1.

Bu nəticə turdan əvvəl 47 xala malik “Vətən”ə də çempionluq şansı yaradıb. Lakin “Sumqayıt”la görüşdə 0:2 hesabı ilə məğlub olan bakılılar 3-cü pillədə qalıb.

50 xal toplayan “Qəbələ” mövsümün çempionu adına yiyələnib. Matçdan sonra mükafatlandırma mərasimi keçirilib, komandaya çempionluq kuboku təqdim edilib.





Xəbər lenti







Neftçi Qarabağ Qəbələ Sumqayıt Kəpəz Sabah Araz-Naxçıvan Səbail Turan Tovuz Zirə
Banner left
Banner right