"Qəbələ" "Krasnodar"ı məğlub etdi

Türkiyədə keçirilən 12 yaşadək futbolçular arasında “İzmir cup” turnirinə yekun vurulub.

Newsport.az-ın məlumatına görə, “Qəbələ” turnirin son günündə 4 oyun keçirib.

“Qırmızı-qaralar” 17-24-cü yerlər uğrunda mübarizədə B qrupunda çıxış edib. Azərbaycan təmsilçisi əvvəl Elmir Hüseynlinin qolu ilə “Siltiqeym”ə qalib gəlib -1:0. Ardınca “Hamborn”la qarşılaşan Zaur Hacıyevin yetirmələri 2:1 hesablı qələbə əldə edib. Rəqib qapısına qolları Eşqin Əhmədovla Məhəmməd Fahlulov vurublar. Qrupdakı son matçında “Tuzlaspor”la qolsuz heç-heçə edən "qırmızı-qaralar" 1-ci yeri tutub. Bu, "Qəbələ"nin 17-ci yer uğrunda matçda oynamaq imkanı verib.

Son matçında “Krasnodar”la görüşən “Qəbələ” 2:1 hesablı qələbə qazanıb. Murad Ələkbərov və Elmir Hüseynlinin qolları komandanın yekun sıralamada 17-ci olması üçün kifayət edib. 

Beləliklə, 3 gün ərzində 15 oyun keçirən “Qəbələ” İzmirdə 8 qələbə qazanıb, 4 heç-heçə edib və 3 dəfə məğlub olub. 18 qol vuran komandamız 9 top buraxıb.





Xəbər lenti







Neftçi Qarabağ Qəbələ Sumqayıt Kəpəz Sabah Araz-Naxçıvan Səbail Turan Tovuz Zirə
Banner left
Banner right